@@@..احلى شااااااااااااااااات....نورر &..مهند....للاطفااااال@@@

--------------------------------------------------------------------------------

شات للاطفال

هاي انا توتي من دوله عربيه عمري سنتين ممكن اتعرف

اهلين انا فروتي من دوله عربيه عمري سنه و3 اشهر

توتي:اهلين فروتي تشرفت بمعرفتك ممكن ع الخاص انا حابب نكون اصدقاء

اكيد ممكن لاني بالفعل ارتحتلك وياريت نكون اصدقاء

فروتي:توتي ممكن اسألك كم سؤال لو مافيها احراج

توتي: لا اسألي عادي ولايهمك

فروتي:انته ازيك في المشي ياترى بتمشي كويس والا لسه بتستند ع الحيط

توتي:لا انا بقيت بامشي كويس اوي وسبت الحيطه من زمان

فروتي: طيب واسنانك لسه عندك مشاكل في الاسنان انا لسه اسناني كتير منها ماطلع وكل ما يطلع سن جديد بتبقى حالتي وحشه خالص

توتي: لا انا اسناني كملت من زمان (كداب تعلم الخرط بدري بدري اهو بيتمنظر ع البنت)

فروتي :طيب انتي اي نوع حفاضات بتستعمل واي حجم

توتي: انا استعمل بمبرز حجم كبير لانه في خاصية امتصاص عاليه رغم اني مش محتاج للحفاض انا بقيت بروح للحمام بنفسي بس زي ما انتي عارفه ساعات الواحد بالليل يا يالحق يا مايلحقش

فروتي: يابختك انا كمان باستخدم بمبرز بس حجم وسط وبجد بقيت متضايقه منه وعايزه اغير للحجم الكبير بس ماما بتقول لو غيرنا الحجم حيبقى واسع ويمكن تحصل مشاكل وتتسرب حاجات كده والاكده

توتي:معلش اصبري كلها كم شهر وحيغيرولك حجم الحفاض وتستريحي

فروتي فروتي انتي روحتي فين

فروتي فروتي

BUZZ !!!

BUZZ!!!

BUZZ!!!

بيضربلها جرس يعني

توتي:انتي روحتي فين يافروتي

فروتي:اسفه ياتوتي اصل ماما خدتني عشان تغيرلي

توتي:طيب افتكرتك خرجتي

فروتي: لا بس انا حاخرج كمان شويه مسلسل نول (نور)حتبتدي بعد شويه

عايزه اعرف مهند حيعمل ايه النهارده

توتي:هو انتي كمان مغرمه بالواد الهايف مهند دا ايه مالكم يابنات العرب

فروتي:من فضلك ما تقولش على مهند هايف

توتي:طيب طيب ماتزعليش

فروتي:انته بتحب تشوف ايه بالتلفزيون افلام والا اغاني والا مسلسلات اوعى تقول كوره

توتي:لا انا احب اشوف اغاني زي بابا احب اشوف هيفا وروبي

فروتي:زي باباك هو باباك بيحبهم للدرجه دي

توتي:ايوه اصل دا من صميم شغله بابا ناظر وبيحب يناظر الحاجات دي

فروتي:كنت عايز اسألك تفتكر هيفاء وروبي بيستخدمو اي نوع حفاض برأيك

توتي: من خلال خبرتي الكبيره في مجال الحفاضات اعتقد ان هيفاء ما بتستخدمش حفاض

هي بتلبس ملابس اساسا دي بتلبس ما قل ودل يضهر الدنيا عندهم صيف على طول

ربنا يكون في عونها

بس اعتقد ان روبي بتلبس بمبرز حجم كبير اوي دا واضح في اغنيتها بقالي ليالي بداري

فروتي:انا بكره البنت الهايفه روبي دي دي مايعه ومايصه خالص

توتي:احترمي نفسك ارجوكي وبلاش تغلطي بروبي

انتي بتغيري منها لانها احلى منك وتركب عجل

وانتي لسه يدوب تمشي وتستندي ع الحيط

انا اللي غلطان عشان باكلم عيله

يالله مع السلامه

بلوووووووووووووووووووووووووووووووووووووووووووووووو وووووووووووووووووووك

فروتي:توتي توي استنى ما تزعلش توتي

BUZZ !!!

BUZZ!!!

BUZZ!!!

توتي قفل الايميل في وشها وسببلها اول صدمه في حياتها

والسبب روبي

مايصحش كده ياشباب

ما تزعلوش البنات

خليكم حنينين